J5台,係TVB向全港網民下既戰帖

J5台,係TVB向全港網民下既戰帖

其實TVB唔妥網民好耐嫁啦,如果唔係都唔會做埋《網絡挑機》呢啲表面話要同網絡文化交流,實際上係想叫你班youtuber收皮啦,入到電視機你只係班又柒又戇鳩既小丑。順便都係同網民講,喂你班廢青成日片我拍膠劇,咪又係得個講字,咁叻你黎拍,最重要既係:

我、依、家、唔、做、你、生、意,過主啦你!

無人知TVB係咪收到黨既政治任務,究竟係想赤化香港定係想推動中港融合,我當你TVB真係身家清白啦,咁好,我都當返盤生意咁睇。曾經TVB被稱為「香港人既電視台」,依家人地勁啦,要做「中國人既電視台」。嘩咁睇,成個餅即刻大份左N倍,與其同你班廢青網民爭一日之長短,不如睇遠啲,開拓下新市場。反正要睇我既都係會睇(就好似民建聯啲打風都吹唔走既鐵票咁,仲有得把口鬧咪又係定時收看既你啊),唔睇既都走得七七八八,而且都無咩可能返返黎。

好啦,你班友話唔睇TVB啊嘛,我承你貴言,就唔做俾你睇。

所以杯葛TVB有乜撚用呢?如果你今日係可以係精神同肉體上杯葛到TVB,其實你應該早就無睇TVB,因為佢質素差都唔係今日既事。而呢個正正係TVB既point啊,少左香港人睇,咁我咪服務多啲大中華地區既觀眾囉。所以你睇又死,唔睇又吹佢唔脹,依家你想用市場策略?TVB仲玩得叻過你啊。係廣東話電視台既市場入面(唔好同我夾硬計咩南方電視台,更加唔好話亞視),TVB係做緊獨市,你只可以揀睇定唔睇,到開埋J5,唔睇咪罷就。

哇,咁咪好撚絕望?又唔係既,因為講普通話既TVB,連大陸人都唔睇啦。家下大陸無普通話電視台咩,咁多年黎,大陸人睇TVB,就係想睇香港野啊嘛。TVB到依家都搞唔清自己既價值,俾佢再搞多個J6J7J8都係自取滅亡,所以講返轉頭,對於J5,我地啲大人就百毒不侵嫁啦,不如擔心屋企啲細路好過。

係洗腦呢個專業範疇,市場分分鐘恐怖過政府。黨中央電視台一年搞N次晚會,由過年慶祝到建軍建黨中秋,瘋狂唱紅歌,啲後生仔咪又係俾Big Bang、Exo迷到暈曬浪。如果今日全港中小學規定體育堂要去跳廣場大媽舞,就算逼你日日跳,你都唔會愛上廣場舞啦。點解?柒啊嘛,柒就係死罪黎。難啃既屎,你點逼人食,佢都會嘔返出黎,除非呢舊屎突然有左市場價值。如果跳廣場舞係計分既,咁就會有好多人為左張成績表,以及成績表背後潛在既學位社會地位未來收入,舉手同老師講,我要入廣場舞校隊。普通話都係一樣,最恐怖唔係政府逼你學,而係社會同你講普通話好有商業價值,老豆老母恐嚇你講唔好普通話就會被邊緣化,仲要連將來個大陸老細up乜都聽唔明上唔到位。依家仲多個J5台,食飯都可以學普通話,yeah!

講咁多,想講既係,罷睇J5又好,罷睇TVB又好,投訴TVB又好,要做,但唔夠。
我都想有返個屬於香港人既電視台。無牌?網絡電視台囉,有得諗嫁。

羞羞

羞羞

文藝存在我深深的腦海裏。 個人專頁: https://www.facebook.com/88shyshy


Related Articles

不是SM, 也有兩把刷子的好聲音!!!

我想, 光憑這個標題, 我就足以被許多人

馬基維利的「君主論」

現在社會流行說「左膠」,不只是香港,國際