GEM BB,其實你係咪俾人杯過?

GEM BB,其實你係咪俾人杯過?

利申:我只係FF姐,真係FF喳,咪告我誹謗啊。

我真心覺得你唔係好擅長同人social喎,上康熙來了,D霉體話你擺款,老老實實,完全唔覺。我淨係覺得你好大浸毒氣,好似學校俾人bully過個D人咁。我完全想像到你係學校無咩朋友,突然有個人同你打聲招呼姐,你就好興奮咁衝埋去討好佢,點知人地話「Sorry我無諗住同你做frd子bo」,你就呆曬窒曬機,真的受傷了咁,一個唔覺意又創傷後遺症。(嗱,我好想你快D反駁嫁,我都唔想批中你真係咁慘豬豬)

仲有啊,你個D好唔自然既傻笑,可唔可以收返起佢?我明,尷尬啊嘛,咁不如叫你公司train下你D應對技巧啦,我係電腦前面望都覺得7,就快唔敢睇落去。同埋其實你講野真心唔‧好‧笑,你一想搞gag就會寸親人嫁啦,寸親人但好笑都算,淨係得個寸字,成場僵曬想點先。

同埋有時搞錯左、做錯左,認左佢好過啦,係唔係事實都好,成日話「公司點點點」真係好難睇,就好似呢,裙腳仔咁囉,成日阿媽前阿媽後,聽到都討厭啦。

啲人成日話你耍大牌,我睇你受訪啲語氣,都唔係啊,其實你都幾謙虛幾nice啊,懶係個隻囉。不過我唔係話你扮野,我明嫁,你俾人片得多,咪要講野講得客氣D囉,不過你知唔知咩係弄巧反拙?擺到明你私底下就唔係咁啦,夾硬chok咪仲衰,一望就覺得你唔自然,鬼叫你演技唔夠好咩。

無計嫁,邊有得全世界人都中意你嫁?特別係你都已經臭左朵既時候,我建議你不如學下齊昕BB,有個句講個句,寸又點姐,至少有人buy,好過想討好所有人,結果一個都討好唔到。

讚好喧嘩專頁,看更多最新文章

羞羞

羞羞

文藝存在我深深的腦海裏。 個人專頁: https://www.facebook.com/88shyshy


Tags assigned to this article:
宇宙gem我是歌手鄧紫棋

Related Articles

網戀的愛情陷阱(上)

「嗱,花花係咪好正先!」 發發唯恐我無法

愛國青年如何勸退打尖的大陸遊客

是咁的,話說某年月日,我連同三位朋友一行

我的LG至撚智能手機……………

我的LG至撚智能手機…………… 同我相處

No comments

Write a comment
No Comments Yet! You can be first to comment this post!

Only registered users can comment.