體罰並非中國人專利

體罰並非中國人專利

5235

話說係內地網站睇過一篇類似既文,有人曾經話中國既教育觀念同西方既教育觀念既差異係反映係個字上面。教育英文係’Education’,來自拉丁文既’Educat’,係引導既意思。中國既「教」字,經過隸定走左樣。本來個樣可以睇下下面張圖。《說文》話从孝从攴(當然,行家都會知道从「孝」係錯架啦)。咁咩係「攴」呢?《說文》訓「攴」為「小擊也」,其實「攴」就係揸住一枝棍。因此,個篇文就話︰中國人既教育係打出黎既,外國教育重視講道理云云。

5452

(附圖︰19世紀歐洲描繪課堂漫畫)

 

其實,寫呢篇文既仁兄如果係香港人,或者熟悉西方文化既人,就知道呢個唔係事實,只係片面理解。歐洲人打仔唔會少過中國人,《聖經》成日教人打仔,例如︰「不忍用杖打兒子的,是恨惡他;疼愛兒子的,隨時管教。」(箴13:24)「不可不管教孩童,你用杖打他,他必不至於死。你要用杖打他,就可以救他的靈魂免下陰間。」(箴23:14)而歐洲既學校,先生打學生已經係閒事。法國哲學家盧梭(Rousseau)晚年《懺悔錄》中提及自己細個被學校先生打屁股,久而久之竟然上癮,大個左有種癖好,就係係女性面前除褲畀佢地打蘿柚,獲得快感。而英國都唔例外。多謝英國人,1991年之前,香港中小學校,不論官立同津貼都可以體罰學生。老師用鐵尺打學生手心已經係閒事,就算後來廢除,都有學校叫個別頑劣學生家長帶藤條黎學校,當著幾個訓導老師面前,餵佢地個仔食「藤線炆豬肉」。聽以前中學老師講,呢招都幾靈。打過既學生重會同D先生特別Friend,得閒會請飲茶。所謂「不打不相識,打左有感情」,此之謂也。

現代唔用體罰既教育方法係香港都係近十幾年先流行。係古代無論中外,老師打學生係天經地義。但係如果中國人係「小擊」,西方人個D就應該係「襲擊」。

國風

國風

不是文青,只是讀過兩錢書,塵世中的一條迷途小書蟲。 不求甚解,寫作只為偶然消閒娛樂。


Tags assigned to this article:
中西文化教育體罰

Related Articles

《那些死去的寵物(之一)》

我從小就好怕動物,尤其是狗,對那些人人衝

爛好人的成魔之路

作為一個不錯的聆聽者,思想開放、有耐性、

後十七症候群

每個人都會在或長或短的青春期經歷混亂時期

No comments

Write a comment
No Comments Yet! You can be first to comment this post!

Only registered users can comment.