[非十八禁] 我拎左個女既震蛋去……

[非十八禁] 我拎左個女既震蛋去……

*此篇為我個震蛋俾阿媽拎左去……的續篇。

兩日之後,我都係決定將個震蛋偷返返黎。
無錯,係偷。

話說我俾返震蛋俾個女之後,不眠不休咁係佢房外面捕住,點知個衰女包仲係死性不改,日日喪打飛機。只要係佢門關上既時候,我都會聽到驚心動魄既淫叫聲,唔講以為佢同幾個猛男肉搏緊……遲下萬一俾隔離屋陳師奶聽到點算,個賤人日日等住睇我地仆街嫁喎,鬼叫佢個仔入唔到我個女間大學咩。

趁住個女落街買麪包,我潛入佢房,果然係枕頭底發現目標桃紅色震蛋,正當我諗住全速撤退既時候,為左做個光明磊落既好榜樣,我留低左張紙條係枕頭底:

女:

為左你既終身幸福,個打蛋器暫時由我保管。
另外,為防止你又去買一個新既,今個月零月錢要扣五百。

阿媽

當然呢個只係權宜之計,要令個女徹底擊退心魔,睇黎要請教下各位BK MA既意見。

bb62我發現個女晚晚都用震蛋自慰,點算……」
「佢係邊度買到嫁?唔通係朋友送既?!bb50如果真係就好嚴重喎,要快點處理!」
「你不如呃下佢話用太多會好易爆炸,可能佢就知驚bb46
「青少年有性需要好正常,你不如坐低同佢傾下。」
「自慰好正常,但要有人教佢點用個震蛋就真。」

下,要教佢點用!?我揸住打蛋器,啊唔係,係震蛋既手不自覺咁震起黎,唔通真係要老娘重出江湖?三十年前坐我隔離位個個有錢夾大件既姣婆都曾經帶過震蛋返學,我都借過黎玩一兩次,不過事隔咁多年,震法多左咁多種,好難捉摸啊!
343.1
諗多無謂,即刻上網查下呢款型號,咩話,要成千蚊,早知就唔拎黎打蛋啦,都唔知有無整壞……正當我好投入咁睇緊標題叫「如何用震蛋召喚神の終極高潮」既教學片,突然房門俾人打開,我下意識講左句自從做左阿媽之後已經戒左既粗口--

屌你老母,入黎既人仲要係我個女!

我嘗試飛身擋住畫面上各種震蛋擺法示意圖,但係呢個時候個咸網無啦啦播成人廣告,成間房充斥住「啪啪啪」既聲音。各位BK MA,我終於體會到仔仔俾人發現睇A片打飛機既感受,如果我隔離有支槍,我真係會諗都唔諗就攞起佢射死眼前既人,或者我自己。

正當我以為個女會識相咁出返去,佢竟然異常嚴肅咁行過黎關左個咸網。

「阿媽,好心你想要就同我講,我幫你上網買,唔好偷我既咁肉酸啦,母女都唔可以共用一個震蛋嫁……」
下!?幾時變左我想要?好明顯係你日日都很想要吧。

「我都知老豆年紀大,又成日返工,未必滿足到你嫁啦」
你個衰女包,竟然夠膽話老豆唔得!?雖然都真係事實……呢幾年老公時間越黎越短,我都有苦惱過。

「仲有,你唔識就問我啦,亂咁黎,網上好多流料嫁。」
咪住……點解呢個情景咁似曾相識既。

「所以,你還返個震蛋俾我,買新既都係等兩日姐,你忍兩日都得掛,用住手先啦。」
「青少年有性需要好正常,你不如坐低同佢傾下。」「自慰好正常,但要有人教佢點用個震蛋就真。」
點解會變左個女輔導我嫁!?

「阿女你係咪搞錯左D野,阿媽只係覺得你自慰太多,覺得奇怪,先上網查下資料同沒收你個震蛋。」
「阿媽,大家都係女人,我明嫁喎。而且我覺得自慰係人之常情,你唔使擔心咁多。」
「既然你咁有需要,點解唔快D去搵個男朋友呢?你唔係真係想同個震蛋過人世啊,你地根本就係兩個唔同世界既野,唔會有幸福嫁。」
「痴線你講緊咩,你搶我個震蛋不特止,仲扣埋我零用錢,依家又咒我同個震蛋成世一齊……」
好死唔死,呢個時候,出面響起鎖匙開門聲。

未完,禁呢度睇第二頁!

Pages: 1 2

羞羞

羞羞

文藝存在我深深的腦海裏。 個人專頁: https://www.facebook.com/88shyshy


Tags assigned to this article:
家庭矛盾母女潮文震蛋

Related Articles

托高你個下,我幸福到手震

女神大人:正所謂:「養兵千日,用兵一時。

我當你係Bro, 你當我係hole!?

我同Dominic識左一年,個時一齊上一

論巴別塔的倒掉

傳說原本人類的語言都是相通的,又說在諾亞

No comments

Write a comment
No Comments Yet! You can be first to comment this post!

Only registered users can comment.