[非十八禁]我個震蛋俾阿媽拎左去……

[非十八禁]我個震蛋俾阿媽拎左去……

唔好以為得男人先有性需要,其實女人周不時都西痕,我仲係西痕既女人入面既佼佼者。朋友都知我淫,於是趁我生日送左個勁貴既震蛋俾我做禮物。

高級野姐係高級野,集美觀、實用同方便於一身,桃紅色既嬌小外殼,有成三十種震法,震起黎仲要細聲到好似無震咁,所以我成日等到咁上下鐘數,就上網搵定a片,阿爸阿媽一訓,我就塞個震蛋係下面,邊睇a片邊打飛機,成間房都充滿住我既淫叫聲。不得不提,我最中意既係九短一長既震法,聽講係間SEX TOY公司特登參考古代房中術中「九淺一深」既奧秘,想震到用家欲仙欲死。

每次用完個震蛋,我都會用酒清抹乾淨再放係枕頭底。你可能會問,點解要放係枕頭底?古語有云,最危險既地方就係最安全既地方,而且收得太入既話,次次都搵勁耐,性欲都消磨曬啦。但係經過今日一役,呢句古語已經被徹底推翻,原來最危險既地方,真係最危險。

話說係宿同MIDTERM戰鬥左兩個星期之後,我終於可以返屋企。行入門口,我如常走入廚房睇下有無野食。

「有無野食啊,好肚餓啊。」

「你一日到刻淨係識食,過黎幫手啦。」阿媽唔使望都知係我。

話曬考完試,心情好,就聽話行過去幫手。今晚既晚餐似乎好豐富,有魚、有雞、有牛,仲有我最中意食既蒸水蛋。咦,咪住,點解有舊桃紅色既野吊係裝蛋漿既盤到,仲要有條電線連住。我忍不住倒抽一口涼氣,睇黎呢兩個星期實在太忙,忙到唔得閒打飛機,我連自己無帶粒震蛋返宿都唔知。我開始諗,呢一切係咪只係溫MIDTERM通左太多日頂而產生既幻覺,但我無可能認錯,佢同我纏綿過無數個晚上,已經形同我身體既一部份,我早已經對佢既氣味、質感、形狀瞭如指掌,就好似黎M之前即使個胸既半徑只係大左0.001cm,我單憑手掌既觸感就已經可以measure到,然後好激動咁同我roommate講「我個胸大左啊!」

「阿媽你用緊咩打蛋啊?」我仲係唔想相信呢個事實,唔敢行過去確認,只敢小心翼翼咁問,心入面仲期望呢個只係一個夢。我寧願依家有人拍醒我,同我講「訓乜撚野啊,夠鐘考midterm啦!」

「哦,你成半個月無返黎,我今日咪去你房幫你打掃下囉,跟住見到呢舊粉紅色野係地下,我拎起身研究左下,佢無啦啦就震左起身,我諗起屋企個打蛋器壞左,咪拎黎打蛋囉。點知又真係幾好用,吊住係度就可以自動打蛋。」

我親愛既母親竟然可以發明用震蛋打蛋,我強烈建議佢可以幫呢個大發現申請專利,可能就此成為第二個愛迪生。

「其實個舊係咩黎?」當我仲係驚愕中不能自已既時候,我母親終於問左我期待已久既問題。
「無,依家最新款既按摩器黎,呢排寫paper寫得攰我就會用黎揼下膊頭。」
「咁辛苦,今晚食多啲補返。」阿媽不疑有他,咁又係,佢都可以用震蛋黎打蛋,我點解唔可以用震蛋黎按膊頭先。

我眼甘甘望住阿媽將個震蛋從蛋漿到拎出黎,遞俾我個時蛋頭仲滴住蛋汁,然後將個盤蛋放入煲蒸。十分鐘之後,一碟望落嫩滑金黃既水蛋已經出現係枱頭,佢望落靚到連我都懷疑個震蛋係咪堅係有用。

「今日個水蛋好滑喎。」老豆對個蛋讚不絕口,佢又點會估到入面可能撈左個女下體既分泌物。
「係啊,我換左個新既打蛋器。」我阿媽已經默默地直接將震蛋稱為打蛋器,我依家先知,原來我一直以黎都係用緊個打蛋器打飛機,或者我下次真係可以試下幫阿媽打蛋個時,偷偷地塞個打蛋器落下面,可能我會發現另一個仙境,達到另一個高潮。
「女你做乜唔食蛋啊」阿媽二話不說,塞左成大塊蛋俾我。
我望住眼前呢pat同我下面一樣俾震蛋鞭打過既物體,忍唔住衝左入廁所嘔。

阿媽大驚失色,衝過黎幫我拍背,當我嘔到魂魄都散左一半個時,有一把低沉既女聲係我耳邊響起:
「女,唔好成日用震蛋啦,搵返個男朋友啦。」

我呆左,回頭見到阿媽意味深長既笑容,突然醒起──

頭先佢根本一啖蛋都無食過。

下集:我拎左個女既震蛋去……

讚好喧嘩專頁,看更多最新文章

羞羞

羞羞

文藝存在我深深的腦海裏。 個人專頁: https://www.facebook.com/88shyshy


Tags assigned to this article:
潮文震蛋

Related Articles

揀女朋友一定要揀個織幼冷頸巾既

時值深秋,寒風刺骨,班上面既女同學開始織

其實啪啪啪可以好生活化

好多人未啪啪啪過之前,一係就覺得啪啪啪好

No comments

Write a comment
No Comments Yet! You can be first to comment this post!

Only registered users can comment.