難分真與假──「文學院毒男」

難分真與假──「文學院毒男」

網絡紅人何其多,有上高登學術台的巴打絲打很難沒有聽說過「文學院毒男」。在高登享有名氣,言論大多有點「極端」,文毒對大學的看法起初經常惹起港大和中大學生的激辯,後來大家開始見慣不怪,若有天文毒的立場突然溫和起來,那才是奇怪。筆者也和身邊人討論過,文毒的言論到底是曲線還是真心?筆者從與其同系的朋友們口中聽說,現實中的他感覺上頗有典型的文青風範,看很多書之餘,也斯文、內歛,與網上的形象相差甚遠。話說回來,文學院毒男這五字,很多人只記住了「毒男」,卻很少理會「文學院」這三字,甚至有人把這記成一條公式:「文學院」+「男」=「毒」

所以平日說的話,多少是肺腑之言,多少是反諷?問文毒本人,他說:難分真與假。

  1. 大學文化就聽得多,但有無你觀察到既文學院文化呢?係咪真係文學院既同學就係文質彬彬、不吃人間煙火呢?

當然唔係啦,文學院入面其實咩人都有,有D當然就好似你所講咁文質彬彬,鐘意講理想,但亦有D係非常「入世」,一樣會好似其他faculty既人咁搞ocamp玩活動,又會做好多intern整靚份CV,所以好難一概而論

  1. 大學文化入面,有無你好唔妥既野?定你覺得有呢啲傳統/文化係度,大學生就應該跟呢? 

其實我覺得大部份既大學傳統文化都冇咩大問題,只不過係有時係chur左少少,搞到好多人冇哂休息時間,如果可以係u life同休息之間取個平衡就比較好

  1. 有無一啲你覺得大學生好應該要熱衷,但實際上好少人會做既事?

就係讀書。讀書本來應該係讀大學既主要目的,但係真正重視讀書既人似乎唔多

  1. 其實當初有無預計自己會係網上紅到?係無心插柳定係計算?

可以話係無心插柳,不覺其實我覺得自己都唔係真係咁紅姐

  1. 好多人話大學係溫室,你覺得係大學呢個環境,大家算唔算有「高度言論自由」呢?

我諗都算係有既,只係偶爾有D人會對人唔對事,鐘意人身攻撀多過講道理

  1. 可唔可以透露下,係網上作為「文毒」既言論,有幾多成係真心話呢?

我諗有一半掛……有時連我自己都難分真與假

  1. 當見到好多假冒既「文毒」,你有咩感想?

我又冇乜所謂既,反正無傷大雅,除非呢班假文毒講野過左火,否則一般我都好少理

  1. 最後,直至依家呢一刻既大學生涯,有無後悔無做既野?

最後悔冇認真讀書,過去幾年我都冇乜點睇書,搞到讀左咁耐大學都好似無乜學過野咁

此文毒與高登上的文毒好像不是同一個人嗎?其實在這個世代,人們有那麼多面,在網上發言的自己與現實中的自己,人前人後的自己,對著不同人的自己,不一定有哪一面是偽裝出來的。說不定最不像自己的那一面,才是未被發掘的真實的自己。

Japple

Japple

喧嘩特約記者。 如果你有任何故事希望與喧嘩分享,可經電郵聯絡本人。 japplewong@gmail.com


Related Articles

那個討厭的過去的自己──訪問梁莉姿

筆者並非文壇中人,卻在很久之前就聽說過梁

他讀英文/語系,但請別把他當字典

常聽人家對一個明明就不是讀外文系,而是外

在地上掃掃可能

這三個月以來幹得最多的就是找和自己相似的

No comments

Write a comment
No Comments Yet! You can be first to comment this post!

Only registered users can comment.