請小心月台空隙

請小心月台空隙

是咁的,我由細到大都用功讀書,為既就是可以拎多四年學生身份,搭多四年半價港鐵。但今日正當我好自豪咁用學生八達通拍落個閘機,響起一聲"do刀do",用勝利者既姿態恥笑隔黎無半價既呀嬋的時候,有人拍左我一下膊頭。

我仲以為係有人見到我英姿想抄我牌,點知原來係港鐵查我學生飛。
我自問一直奉公守法,除左會係港鐵講粗口,肚餓食野,為左生存偷飲水同埋小學雞果陣成日唔小心唔記得拍卡俾錢搭輕鐵之外,港鐵無理由會罰9我架喎。

咁我拎齊八達通學生證俾佢查,心諗實萬無一失啦。點Q知原來我個張臨時八達通(無錯係臨時,我又唔見八達通,仲要拖左兩個禮拜未拎),係要用收據證明,有齊學生證有埋我大名只要無收據都證明唔到我係卡主。簡單D黎講,收據係行街紙,無左入港鐵範圍就同非法入境者無分別,都係犯法架。

我唯有喊住咁同佢講我好窮屋企好無錢冚家好慘,放我一條生路。但港鐵呀姐都好有職業道德好堅持咁罰9左我500蚊,佢見我係大庭廣眾lur曬地喊曬口咁就教我寫求情信,可能港鐵見我咁乞衣會施捨番5舊水俾我,我先收番埋個兩行眼淚即刻榜水,佢都拿拿臨交完數趕收工。我望住佢,佢又望住我,我從佢既眼神就睇得出佢係明白逼一個乞衣學生嘔500蚊出黎係幾唔人道。但無良既係港鐵,我地都只係為左生活而被壓逼既一群……

唉仆街,其實講咁耐我都係想講大家番大學個陣記得小心條gap,根據非正式統計係有成34cm長,標準高登仔都唔夠佢黎。

本地廢青

本地廢青

廢青係無野好簡介架喇。


Related Articles

No comments

Write a comment
No Comments Yet! You can be first to comment this post!

Only registered users can comment.