行路

行路

知唔知呀?由樂富行去石硤尾其實好近。或者你從來都唔會咁行,咁樣好似好冇意義,只係嗰兩個站,無啦啦行黎做乜?係囉,我都唔知做乜,但係我就係無啦啦走去行。到底為左啲咩呢?真係為左想行而行㗎咋,行路散步可以有咩原因?不過如果要俾個原因都可以嘅,意義嘅野通常都係後加嘅姐,有幾多野係有意義,有意義咁做,喺做之前就有好明確嘅原因?真係冇乜。

所以我會話,行路係為左思考人生。咁樣成件事係咪變得有意義好多呢!不過我都係鍾意做埋晒啲冇乜意義嘅野。例如呢?咪就係咩都唔做囉!放假嗰陣就一條友攤喺屋企張梳化,最好熄埋燈,然後望住個天花板發吽哣,唔係瞓覺,淨係發吽哣,咁就一日。係咪超級冇意義呢!好喇,已經離晒題喇。我想講嘅只不過係由樂富行番去石硤尾。咁要點行呢?好簡單,喺樂富出去沿聯合道行,跟住緊係要過馬路啦,然後行去又一城,唔識行嘅中途會有指示去九龍塘MTR,咪姐係又一城囉,行天橋走入去又一城,喺另一邊個側門出番出,直上啦,咁就歡迎黎到石硤尾喇!喺咪好簡單呢,一個鍾左右咋。如果想行遠啲都得,相反方向咁行,兜九龍城,經過九龍仔運動場,跟住喺界限街一條直路行,咁就大概個半鍾頭到啦。睇唔明就自己上Google maps查啦,不過好似冇界限街嗰條路線。

算啦,應該都冇咩人會行㗎喇,多人行就冇意義啦,係囉,意義,本身都已經冇意義。夜晚嗰陣時,成條路都冇咩人,一個人慢慢散步真係好好feel。你會覺得世界好似淨番你一個,又冇咁誇張嘅,其實都有人有車,不過你會有嗰種空山無人嘅孤獨感,空山無人係咪咁解?是旦啦,總之就係咁嘅意境,係啩。搵唔到比孤寂更友善嘅友伴啊!係囉,你會咁覺得,真係想死,唔係,係可以好好咁思考人生。真係會諗到好多野,好多無謂無聊野,你會諗吓世界,諗吓人生。然後?然後咪番屋企好好咁瞓番覺囉。

葉子

葉子

香港人。


Related Articles

MK又如何

每次聽見「MK」這個形容詞,回首一看,說

學生為何一定要乖乖做功課?

補習幾年,遇過十多個學生,不同年紀不同性

愛過就贏了

詩經乃係秦火之後最早恢復傳授的經典之一,

No comments

Write a comment
No Comments Yet! You can be first to comment this post!

Only registered users can comment.