舉起電話影相個刻,你諗緊乜?

舉起電話影相個刻,你諗緊乜?

依家呢個社會,係街上見到有咩新奇既事,啲人就會下意識留返D「證據」,所以尋日見到港鐵有人唔著衫,就即刻影相po上FB開心share,有圖有真相啊嘛。好啦,我當聞到花生味真係會刺激腎上腺素上升,令到個人本能地變到好興奮,你個腦應該唔會興奮到停止運作掛?我唔會怪人中意食花生,無計,八卦無藥醫,但當你將花生周街派,我會屌你點解食花生個時完全唔用腦。

花生有兩大類,人地主動派既同你自己搵返黎既,基本黎講,如果係前面個類,你點影相點拍片點恥笑我都覺得無問題,就算有咩後果,一係就食花生既人抵死,一係就派花生既人抵死,好公平。但後面個種,特別係當事人極度唔願意or好明顯唔會願意既時候,你仲要分享呢種花生,你就係無品。我都費時講會點傷害到人,淨係你做D咁賤格既野,你個樣已經好醜陋,有無必要為左食幾粒花生而搞臭自己個朵呢?施主你自己衡量下。

其實我相信好多花生友唔係賤格底,而係一見到花生就失心瘋,完全唔諗野。以尋日個女人為例,好明顯佢唔係搞咩行為藝術啦,而且相當有嫌疑,點解無人去問下佢點?人地淋濕曬,有無人遞張紙巾俾佢?最奇怪既係,無人理佢都算啦,咪當你冷漠囉,香港人出曬名冷漠嫁啦,點知你班人又唔係完全唔理,反而係舉機影相。老老實實,就算佢咩問題都無,點解你地會將一個女人淨係著住底衫既相po上網?用腦諗下都知個女人唔會因為咁而開心大叫「我上左位!」嫁喎。

好啦,你影相都算,你興奮俾朋友睇都算,點解要上FB?用人地既醜態呃like既心態究竟係咩?家下like多有錢收?(切身諗下如果你個frd影你走光相po上FB,有成千個人黎like,你會點?)呢個女人所做既野,無牽涉「公眾利益」,無反映咩社會風氣,po上網,仲可以有咩正當理由,如果你諗到,請話我知。

一句講曬,食花生唔緊,但唔該有返D分寸。

偏差值

偏差值

常常在發掘離經叛道的可能,長期與體內因社教化留下的痕跡搏鬥。



Related Articles

為了公義,殺人是合理的嗎?

日日都有人死的,死亡真的無甚麼大不了。

台灣正宗芒果神拳震撼全日本 – ICE MONSTER

近來大家都在談文創,我想談談一個我覺得很

No comments

Write a comment
No Comments Yet! You can be first to comment this post!

Only registered users can comment.