揀女朋友一定要揀個織幼冷頸巾既

揀女朋友一定要揀個織幼冷頸巾既

時值深秋,寒風刺骨,班上面既女同學開始織頸巾,話要送比男神咁話。我望住佢地手上面既冷,當堂嚇一跳!

嘩屌你老母!

我條向左走向右走已經夠粗,竟然都粗唔過條冷? 條冷咁粗比我一個鐘都唔洗就織完,佢地可以織成個星期,係上堂,小息,lunchtime keep住咁織,都唔緊要,仲要織到錯Q晒,頸巾上面佈滿一個二個大咕窿,真係Seven到同關家姐有得比,我都唔忍心再睇落去。

見到班發晒姣既MK妹將佢手上果條冷粗過條撚,窿闊過西隧既頸巾送比男神,仲有男神嘴角含春,以為自己巧威威既樣。我低頭望一望自己條頸巾,笑而不語,頸巾由幼冷織成,經歷七七四十九日,日以繼夜,夜以繼日,少d耐性都完成唔到,雖然偶有失誤,不過唔細心睇根本睇唔出,但就證明到條頸巾係DIY唔係買返黎既,加上係由意大利純羊毛製成,質地舒服,保暖效果一流,絕對唔係街市賣十蚊球,戴到皮膚敏感既MK冷可以相比,戴住幼冷頸巾簡直係身分既象徵。

今日,我係街上見到一個戴住幼冷頸巾既男仔, 我同佢點一點頭,微一微笑,大家都心照, 知道對方背後有個溫柔,體貼,細心,有耐性既女朋友,係一個幸福既男人。


Tags assigned to this article:
女朋友情侶拍拖甜蜜頸巾

Related Articles

我的LG至撚智能手機……………

我的LG至撚智能手機…………… 同我相處

性女病

唔講唔知,其實女仔嚟講,好多病都係到廿幾

無拖拍,你真係無責任?

一個人單身有很多理由,身為女人,最怕聽見

No comments

Write a comment
No Comments Yet! You can be first to comment this post!

Only registered users can comment.