我當你係Bro, 你當我係hole!?

我當你係Bro, 你當我係hole!?

我同Dominic識左一年,個時一齊上一個夜晚既course,次次一齊坐,又一齊返屋企,傾左好多計。D mutual frds成日話我地係咪有野,但雖然我同佢都係single,但絕對無野,成日以兄弟相稱,我係佢面前佬到爆,佢成日笑我係咪有J。

其實Dominic係幾正既,靚仔高大,又有做開gym,係澳洲讀過幾年書,仲要係A0,不過我地對對方真係無咩感覺,反而成日同對方講自己D感情事,後尾我出左pool,先同佢傾少左。

有幾個女仔frd成日同我講,「其實佢實對你有野,你都on9既,男人就係男人,女人就係女人,bro?bro你條命啦。」

我嫌佢地膚淺,都費時同佢地講,我同Dominic有時會幾個frd咁一齊去飲酒,咪又係乜事都無發生過,你班港女成日自己諗多左就話男女做唔到朋友,係你地忍唔住姣仔姐,我邊似得你地,搭下膊頭就以為人地flirt你。

「總之如果你都對佢有野就去馬啦,無野既就唔該你小心D。」姊妹A懶係語重心長咁同我講,我「哦」左幾聲當聽左入去,但心入面已經反左十個白眼。

個晚岩好約左Dominic同幾個朋友去佢屋企飲酒,男朋友我梗係唔會話佢知,但我原本都想叫班姊妹一齊去,不過俾佢地咁煩一煩,咩癮都無曬,寧願自己去算。

其實我不嬲都幾飲得,不過個日個胃有D唔舒服,就比較節制,Dominic坐我隔離,已經飲到成塊面紅曬,係咁噓我破壞氣氛,我嬲嬲地,隊左成杯40%既whisky,五分鐘之後我就知唔掂,又暈又想嘔,Dominic扶我去廁所,其實照計唔應該佢扶我去,不過佢又係屋主又同我係兄弟,其他frd都唔覺得出奇。

係廁所到我嘔到七彩,應該連早餐都嘔埋出黎。我攤係地上面抖氣,Dominic好溫柔咁幫我掃背,佢從來都未試過咁溫柔。

我睇野都睇唔清楚,只係隱約見到Dominic定住咁望住我,然後佢以變態佬的聲線低沉急速而呵氣咁在我耳邊講──

「你好正,幫我含。」

含?我聽到幾乎暈撚左,你叫我幫你含?我地bro黎嫁喎,你會唔會係叫你兄弟

幫你含撚啊?我一路話唔好,佢就一路痴埋黎,係咁揸我個胸,仲伸手指插我下面。

「你俾我搞得唔得?」他真係痴撚左線。

「唔得,我有男朋友。」

「你幾時有男朋友嫁,你唔話我聽既?」佢好似幾驚訝,不過都係唔心息,「唔緊要啦,我有套,一係你幫我含算啦,以前都有三四個女人幫我含過。」

我屌你老母,你又話自己A0?原來依家既A0會隨身帶套,仲要俾幾個女人含過。

「唔好,你唔好搞我。」我開始大聲喊,然後用我僅餘既力量跑出廁所。

其他朋友都問我發生咩事,Dominic就爭住解釋左一堆野,我已經聽唔到佢解釋咩,總之好似講到係我醉到痴線,佢好心照顧我咁。有個女仔朋友見我咁既死樣,就話送我返屋企,我一聽,即刻好驚咁攬住佢,佢見我好唔妥,就帶我坐的士走。

第二日我收到Dominic既message:

「我尋日醉左,sorry,我平日真係當你bro。」

bro你條命,我無再覆佢,亦都唔會再信咩同男人做兄弟。

羞羞

羞羞

文藝存在我深深的腦海裏。 個人專頁: https://www.facebook.com/88shyshy


Related Articles

網戀的愛情陷阱(上)

「嗱,花花係咪好正先!」 發發唯恐我無法

我係「浸大女神」,我想講,你地慳D啦!

細細個睇外國電影,就好憧憬佢地咁Spor

No comments

Write a comment
No Comments Yet! You can be first to comment this post!

Only registered users can comment.