我同我部LG P705分手了

我同我部LG P705分手了

今日,我終於步入左另一個階段!!
(我強烈建議你先回望一下,我同LG P705既過去……)

我同我部LG P705至撚智能手機分手了,
換來既,係我高調出pool,我展開左一段新感情!

拿,我試下做個相當現代既比喻先:

如果話iPhone係外國型男,例如Johnny Depp、吳彥袓呢類;
三叔係國產帥哥黃曉明、來自台灣既吳奇隆、又或者係既羞澀但又俊美既韓星李民浩;
咁專屬我個部,係專屬我個部既P705(!!!)或者係馬國明。
至於Nokia就容後再談……
P705雖然不及人地高富帥,有時仲好難搞,未必太多人欣賞,但卻帶俾小女子一種愛回家既溫暖感覺。

有時,去到某個階段,彼此未必會有階段性既成果;
但一切總係如此微妙,於心不忍。
正如我每日總有一次會唔小心跌左佢落地下,但佢從來未離開我;
又或者係佢既無限黑屏令我經常send唔到野比人,但我同朱主席一樣從不喜歡孤單一個。
有段日子,我帶住要出軌般既衝動,問左自己一個問題,
「如果要食部新既,咁食咩牌子同類型好?」

但結果係,我發現我竟然想挑戰自己既極限,睇睇自己到底為左部手機,我可以去到幾盡。
有一點無可否認既係,由上年三月到今時昨日,依然係有千千萬萬個仆街仔女叫我放棄P705。當年今日我仲打緊仔,但今日我已分左妻。最開心一定係你班hihi。

即使今時唔同往日,但P705依然有方法令用家變得有耐性,令用家失去自我,令用家超越自己,成就非凡!

係我打緊呢篇文章尾聲既時候,我忽然諗起昨日客廳部電視傳來了阿騰的一句話:「係呢個世界,有咩係唔會過期」

我諗,個答案會係-- 一段難以忘懷既感情同記憶。

有個新既開始,並唔代表你放得低舊既過去。

你永遠不會記得它的好,尤其係個段 開個whatsapp都要使成分幾鐘夠我去個廁所既真空期。
但當重回首往事時 卻不覺堪磋。我已經唔肯定我係咪不再年輕了,但我卻彷彿已洗盡一切鉛華去面對這樣的一部手機。我確定我相當喜歡P705,佢陪伴我既日子太多。

張學友以高音明準,低音沉渾既聲線,唱出我既心聲:

「滴著淚 問什麼因素錯誤計 情人能重逢心卻未獲連繫
今天的妳已像完全陌生 就算始終不變一般的美麗」

我的LG P705絕對是始終不變一般的美麗,遺憾情已逝。


Tags assigned to this article:
LG潮文

Related Articles

如果灰姑娘係男人

從小,世界各地的小男孩便坐在螢幕前,看著

羊年我最期待的畫面…(rip版)

羊年,假如可以要咩有咩,不如要冇咩 就冇

No comments

Write a comment
No Comments Yet! You can be first to comment this post!

Only registered users can comment.