我係「浸大女神」,我想講,你地慳D啦!

我係「浸大女神」,我想講,你地慳D啦!

細細個睇外國電影,就好憧憬佢地咁Sporty嘅校園生活,好似每個學生都一定會玩運動,一有D咩校際比賽就會全校都好雀躍好投入,好有Spirit。又有吉祥物,又有啦啦隊助興,大家又著曬印住學校Logo嘅衫,臉上用Face Paint 畫曬代表學校嘅圖案或者顏色。贏左一齊叫,輸左一齊喊。大個左,就撐自己嘅國家隊,一切理所當然。呢種就係外國勢力幫子民由細Build Up歸屬感嘅方法,唔係下下都話運動「無經濟貢獻」、下下都要人唱國歌流眼淚。喺香港,得D名校生同上流社會有得體會下呢種熱血,其餘時間,都係「讀唔成書」先至會去「玩」運動。香港人生活得咁無靈魂同熱情,諗起個心都La La地。

Anyways,講翻我嗰筆。

http://prod.static.falcons.clubs.nfl.com/assets/images/imported/ATL/photos/clubimages/2014/10-October/tempGameday-KD-First_2012May02_0372--nfl_mezz_1280_1024.JPG

http://prod.static.falcons.clubs.nfl.com/assets/images/imported/ATL/photos/clubimages/2014/10-October/tempGameday-KD-First_2012May02_0372–nfl_mezz_1280_1024.JPG

我中學唔係讀咩名校,好彩聽呀媽話日日埋頭苦幹,唔好「讀唔成書」,終於俾我好彩入到大學。我真係覺得成個人都鬆曬!中學嘅時候都係讀書為重,淨係跟學校跳過下中國舞,所以到左大學,應該要體驗下咩係校園生活!

於是,睇過各大Society之後,我決定加入Cheerleading,原因係,無乜原因,可能因為有少少似體操,細個又比奧運洗左腦覺得呢類運動又勁又有美感,本身筋骨又未硬曬,所以膽粗粗Join左。入到去先發現,原來啦啦隊對體能同技術嘅要求都真係幾Demanding。由基本手勢同姿勢,到跳躍、舞蹈、金字塔、拋投、翻騰等等,都係要同隊友一齊長時間訓練,練出能量同默契,先可以做到(而唔跌死)。我同另外幾個細粒嘅女仔一樣,凡係要推舉、拋起等嘅Routine,都會係做上層嗰個,因為輕D喺上面是常識吧?

嗰日,我同幾個隊員去趁墟。去到已經座無虛席,我又細粒,乜都睇唔到。於是,我其中一個隊員就提議砌個金字塔推我上去。第一下我心諗,唔L係掛?第二下我就諗,Why not? It seems like fun! 於是,基於平時練出黎嘅默契,我地兩三下就砌好個金字塔。(如果我地無經過訓練,你估咁容易?咪玩啦!)至於點解你地會覺得我好大牌?我諗原因係,我好用力挺胸收腹掛!大佬,你試下做塔頂唔挺胸收腹?你試下寒背?睇下會唔會跌斷頸?

我唔係咩女神,亦從來無當自己係。一件本身完全無傷大雅,幾個人自己Have Fun玩嘅一個即興舉動,比人講到係女神收兵。其實都唔緊要,大家生活苦悶有D創意係好事。但係,有D唔知葡萄撚定咩,一定要無限延伸到「港女」問題、「女權」問題,甚至唔知來龍去脈,就對我作出人身同人格攻擊,話我肥西象腿,又一定要講到我「勞役」D隊友,一定要講到我係自私霸道死臭西。大佬,你地把口洗唔洗咁賤?定係你地見識太少、平時太壓抑,所以大驚少怪?有人仲發起起底行動,不過點錯相 :o)

香港人就係鍾意一有自己無見過嘅野,就唔理來龍去脈就衝出黎柒,把口又臭,鍾意睇人PK,唔做法官唔安樂。不過,呢種唔識Have fun嘅港人性格其實都係特衰政府幫大家培養出黎的。總之,離群就係錯,玩下就係錯。喺Xiang Gang,只有循規蹈矩,過住同其他人一樣苦悶嘅生活,先至係道理,Right?一有離群者,一有出眾者,(縱然只係好小事,喺外國發生嘅話根本不值一提)就要將佢地批評得體無完膚。Relax, have some fun and get a life! LOL

註: 本故事純屬虛構。HAVE FUN :D!
圖片中的主角們,唔洗理D無謂人~
更新:俾初十講中,人地真係啦啦隊,仲要係港隊

黃初十

黃初十

外表OPEN內裡斯文 面書專頁:https://www.facebook.com/wongchorsup


Tags assigned to this article:
Mass Dance浸大女神

Related Articles

No comments

Write a comment
No Comments Yet! You can be first to comment this post!

Only registered users can comment.