成年人形生物如何學英文 (一):一個Vocab都唔洗學大法

成年人形生物如何學英文 (一):一個Vocab都唔洗學大法

作者: 許狪

讀HKU嘅時,每隔兩三個禮拜就會有人討論「點樣學好英文」,大家你眼望我眼,互呻一輪「我英文好差/我英文仲差/唉屌真係要學英文/唉英文其實真係好有用」之後,大家你眼望我眼,都仲係唔知點學英文。

包括HKU呢堆淨係識鳩叫嘅生物,香港唔少土生土長成年人形生物(尤其英文中學長大嘅)其實呢世人隨時寫英文多過中文,唔計Facebook fd嘅status同政治罵戰,每日睇中文同英文嘅文字/片可能差唔多 – 無計,太多無聊英文Page 呀Channel呀會攝走你好多時間,亦好多時會直接用Text Book style嘅英文思考。

我覺得呢類聽同睇英文完全無問題(理解度高過95%)嘅人,
要佢學英文嘅最大障礙有兩個(我都喺以上兩個問題Stuck咗五六年):
1) 離開初中求學時期太耐,唔習慣由零開始學一堆生字。加上佢識嘅字太多,日常嘢都睇得明聽得明,無逼切性學更多新字。
2) 平日需然睇好多英文,但停留喺「睇得明就算」嘅層次,無將新學同舊有嘅語文Pair up,結果成年後學嘅Language Pattern,都只會睇得明但衝口講唔出落筆寫唔出。

入正題,呢類人要喺平時睇小說/報紙/無聊article時,喺電腦開張Note,抄低[睇得明但寫唔出嘅字]。每個人恆心都唔同,與其學一堆新字,再留名睇目己第二朝乜都唔記得曬咁Frus,不如用好本身嘅字嚟砌新句子喇。

以我下面嘅呢張筆記為例,我睇Harry Potter Ebook嗰時鳩Cap咗幾十句我[睇得明但寫唔出嘅句子],一邊開Evernote一邊開PDF,基本上唔會影響閱讀速度同樂趣。睇完之後,稍作整理,喺句子上面括返我本身心入面想寫嘅[中學雞英文]。呢一步好重要,係將我舊有7頭知識同新學嘅嘢Pair up。咁當我下次想寫[A 兇狠地stared at B]時,個腦諗起石內卜個樣,就會識自動寫出去「A gives B a piercing look.」

唔好呃自己唔洗抄Notes喇,咩睇得多就會英文好。
屌喇,人人條命唔同。
個個同你講「睇得多就會英文好」嘅人,
一嚟佢睇幾多你唔會知。人哋多能好多外國Fd/鍾意嘅明星係外國人/返外國公司/行外國超市/佢住嗰區好多英文水牌廣告-人哋一日可能有70% 時間浸喺外語Environment,你得唔得呀?
加上人哋可能好有語言天份,你有無呀?有就唔洗喺度聽我鳩噏喇。

所以無乜天份又唔係想畀好大力嘅人,更加要搵到啱自己嘅方法學英文/Any外語啊

圖片來源: 作者面書

圖片來源: 作者面書


Related Articles

「土耳其各類藝術統整」多元魅力的土耳其傳統工藝 (上)

將土耳其傳統的手工藝製作比喻成一塊色彩斑

[住宿速食系列] 快速韓國年糕

住宿唔想成日食CANTEEN,D頹麵頹意

還大家早睡的自由

我們這一代人是不要命的。 作為一隻資深夜