情侶們憨鳩少陣啦好嗎

情侶們憨鳩少陣啦好嗎

我有時見到人憨鳩會一笑作罷,但如果呢啲人憨鳩得濟,我係會內心_7佢地,而如果呢種人通街都係既話,又或者連所謂既大學生都憨鳩無極限既時候,我會自此對人類既智商失去信心,對人類既將來滿懷憂慮。

李佬樹今日我要同大家分享一件情侶憨鳩事。

先前有晚,夜晚十一二點個時,有對稚嫩既freshman情侶,一男一女,係pantry度談情說愛,纏綿悱惻,卿卿我我,本亦無差,但後來可能個男既覺得時候都唔早啦,灰姑娘都要番歸訓個美容覺啦,就終於的起心肝同女朋友仔示意要道別。二人戀戀不捨,執手相看,男既去㩒𨋢,女既依舊不忍別離,拖住手仔,當架𨋢到左既時候,我就聽到,我呢生人(我希望係)聽過最憨鳩既說話。

男(溫柔咁講):

「好啦,你小心啲番去啦~」

我hi你auntie,個女仔住係呢層架,連樓梯都唔L洗落啊,要係平地仆街都難啦,個短短都唔知有無十米既路程,究竟要小心咩鬼野啊?你講我聽啊,我真係唔明啊!你係驚個女仔行行下見到有小強,嚇到佢花容失色,定係有天花板砸落黎,令佢連容都無埋,定係驚佢roommate走出黎強姦佢啊?好啦講講下,我都開始覺得到世途險惡,或者你係啱既!

但最後我都係要講句:

各界情侶,憨鳩少陣啦,呢到地球黎架!


Related Articles

在大X樂兼職被偷$2000,經理叫我唔好報警

正所謂經一事,蔡一智,初十妹之所以變到今

網戀的愛情陷阱(下)

網戀的愛情陷阱(上) 花花爽快地答應了。

有一種裝模作樣的豪放女

肥Ann最近喜歡上莊員Bryan。對於這

No comments

Write a comment
No Comments Yet! You can be first to comment this post!

Only registered users can comment.