性女病

性女病

唔講唔知,其實女仔嚟講,好多病都係到廿幾歲先有,尤其是開始左啪啪啪生活之後特別容易有。以下就係一啲例子。我身邊好多開始左性行為既女仔都有,之後連我都有埋!女仔當然要注意,唔好以為而家自己冇就以後都冇。好多女仔係性生活一年後,甚至兩年後先有!男仔都要知呢啲野,咁就明白女朋友既不適,同埋會學識要小心行事!

陰道炎

其實陰道炎真係常見到冇得再常見。中學識一個應該係處既女仔已經有。到大學,身邊唔少女性朋友都有啪過,而當中真係超過一半都有過,有女性朋友同梳柄玩下都有!

成因

其實著得多緊身牛仔褲或者去廁所比水彈到都有機會有。但當然,性女有陰道炎都通常係因為啪果陣唔夠衛生。大多數陰道炎都係由念珠菌引起既。平時陰道正常都有念珠菌,但如果大便啲惡菌hi入陰道,令陰道內在環境出現變化,就好易誘發念珠菌感染! 你諗下,尿道,陰道,屎眼,3 個窿咁近,啲菌係咪好容易走嚟走去?屎眼啲菌走左去陰道都真係唔難。尤其是你地啲男朋友呀,成日企圖wrong hole,個dom 唔小心hi到屎眼口又唔理,照插入陰道,啲菌咪隨住個dom送入你陰道囉。真係要多謝佢地!或者佢地指插你前冇洗手,手不嬲就好多菌架喇,咁照指插咪又係搞到你陰道好多菌。話就話陰道弱酸性有殺菌能力姐,你估佢殺菌真係勁到消毒水咁咩。

癥狀

通常都係下體入面痕呀,然後有好多好結、類似豆腐渣既分泌物咁囉。

治療

都係去睇醫生,佢就會比啲藥你塞入陰道架喇。記住要用哂所有佢比你既藥。塞藥後粒藥會在你陰道內溶化,然後就好多白色好結既野流落你底褲,所以最好就用返謢墊啦,如果唔係坐濕人地啲櫈就唔好啦。

預防

真係唔好話我唔提你,有過一次陰道炎就好容易會復發。預防都係最緊要注意衛生!最好就啪之前沖個涼啦,唔得都用濕紙巾抹幾次你個屎眼啦。同埋如果冇沖涼,你一feel 到你partner個dom hi 到屎眼就要即刻停!換過個套! 仲有,食多啲有乳酸菌既野,例如乳酪呀果啲,呢個菌對增強陰道抵抗力好有用架!同埋底褲要著棉質透氣果啲。平時唔好懶,要手洗底褲,著之前用熨斗 熨一次,高溫可以殺死剩餘既菌,咁就著得安心喇!同埋陰道炎係一啲你一抵抗力差就會出現既野,所以老套啲都要講句,早啲瞓啦,食啲有益既食物啦呀妹!

尿道炎/ 膀胱炎

頭先講過,女仔3個窿好近,啲菌都好易由屎眼或者陰道走去尿道,所以觸發尿道炎。屎入面既大腸桿菌入左尿道就好易會有尿道炎。尿道連接膀胱,所以一有尿道炎又好易有膀胱炎。都咪話唔慘!同樣啦,超過一半的女性一生中都至少會出現一次尿道炎,所以都係唔好驚!!!

癥狀

尿道/膀胱炎真係好撚麻煩。陰道炎都係痕姐,尿道炎係搞到你成日都好急尿!你係會郁啲就想痾,而你feel 到想痾果陣就已經想賴,所以要成日仆入廁所!一日痾十幾次尿都唔誇張,仲要每次就好少尿。痾果陣又有啲赤痛啦,尿又濁啦。同埋如果有埋膀胱炎,會下腹痛,講緊係尿袋果啲位酸酸痛痛咁。唔好以為少少痛喎!我就要食止痛藥先handle到!最慘係咩呢?係由咩事都冇到尿袋痛都只係幾個鐘既事。尿袋一痛即係你離賴尿不遠了。如果去去下街咁樣都咪話唔濕濟!

治療

睇醫生,佢驗尿證實你係尿道炎,就會比兩種藥你。一種係叫朱古力豆,個樣真係幾似朱古力豆,係啲紓解你發炎腫痛既藥嚟,食左痾尿就冇咁痛,下腹都唔會痛,食左,啲尿會轉做橙色。另一種就係抗生素,會殺死引致你發炎果啲菌,咁你都係要食哂成個療程。

預防

同樣啦,有過一次就會好易復發架喇。都係要衛生呀,同埋增強抵抗力!同埋網上話食小紅莓work 架!平時啪啪啪前飲兩杯水,啪完就即刻痾次尿,排走尿道口既菌先。同埋唔好忍尿!忍得尿多都可以有尿道炎。

有陰道/尿道/膀胱炎時唔好啪啪啪。如果唔係啲菌可以惹到比對方(注意:男仔可以惹菌上身但冇癥狀,到下次啪時又惹返比個女仔)。

秘技

呢個真係秘技,性價比極高。女仔可以沖涼後準備一個小膠盤,倒啲暖水,放啲鹽,然後成個pat坐入去浸15分鐘。3個窿消毒殺菌一剔過!

** 唔好諗住將小紅莓加入乳酪一齊食就可以一次過預防兩種病。因為小紅莓入面有啲物質會將乳酪啲益菌減效!

 


Tags assigned to this article:
女性護理私密護理膀胱炎陰道炎

Related Articles

如果你還相信不要驚動愛情

聖誕假期實在很難免讓人有很想拍拖的衝動,

兄弟們可否不要再露出葡萄的樣子

成日都好睇唔起個D俾人搶左條女,就係Se

破處心經

做愛呢樣野,好多處女都躍躍欲試,只不過唔

No comments

Write a comment
No Comments Yet! You can be first to comment this post!

Only registered users can comment.