從前有一個填窿窿既笑話

從前有一個填窿窿既笑話

[笑話一則] [找不到笑點的話請自行想辦法笑 又或者諗下係咪真係要笑]

甲乙丙三人在星光大道上散步,忽然甲被絆倒了。

甲:有無搞錯!點解會有個坑?可唔可以搵嘢填平佢?

乙:(翻找背包)我得支益力多,啱唔啱?

甲:好過無,用住先。

丙:吓?咁都得?

甲把益力多倒進坑內,顯然不足夠填滿這坑。

甲:唔夠喎!仲有無?

乙:我過隔離超巿買。(向丙)可唔可以借張八達通畀我。

丙:買兩支好啦,入邊無乜錢。

過了一會兒,乙拿著一排五支益力多回來。

丙:話左買兩支喎,你做咩買咁多?

乙:一排五支有特價喎,識買一定買一排。

丙:講好左就講好左,邊有得咁㗎。

乙:咁我都買左啦,唔通拎返去退錢咩?

甲:唔好拗啦快啲啦等唔切喇。

甲把五支益力多都倒進坑中,還是未能填滿。

甲:仲係唔夠喎,不如你幫我再買。

乙:等我,我速去速回。

丙:唔准買!你用緊我啲錢㗎!

乙:你吹得我漲咩?你張八達通喺我手。

丙:痴線㗎你?啲錢我留返一陣買藥㗎!

乙:藥啫,食少一兩粒唔洗死嘅。

話音未落,乙已經攜同丙的八達通跑向超巿。

丙:痴線。(向甲)話時話點解要填滿個坑?

甲:我都唔知喎。但係都填到一半啦,唔通唔繼續咩?

丙:你知唔知你浪費緊地球幾多資源?

甲:幾支益力多啫,就算計益生菌都係幾百億之嘛。

乙拿著一大袋物品回來。

乙:益力多賣哂,但係我醒,我買左幾支家庭裝汽水。同埋紅酒白酒做緊特價,所以每樣我都買左兩支,應該夠你填埋前面果個大坑。唔夠再叫我去買,不過張八達通啱啱負左錢。

(向丙)一陣可唔可以問你借埋張信用卡?

 


Related Articles

貧窮國家還是戰亂國家?

中國人是一個怕亂不怕窮的民族。外國人看中

繁體字能否復興?

身為一個Language Student

平壤-我們最幸福

在二十一世紀的大幕剛開始,在二十世紀叱吒