布衛生巾試用手記 (1)

布衛生巾試用手記 (1)

到左試用布衛生巾既日子喇!

尋晚訓前換左布衛生巾,因為流量少,只係用左24cm。著落去感覺係舒服既,因為係純綿,唔會有膠個隻坐得耐加上有血就會痴左個身既感覺。我覺得著同換都好方便,甚至係比即棄既方便,因為佢都係啪粒鈕,平時膠個隻著左上身先發現唔舒服要移位,但痴實左拆返開佢其實係好麻煩,又有可能撕爛,一係就整唔郁,布衛生巾唔岩位郁一郁就okay。同埋佢個闊度同內褲既一樣,版型都係岩岩好,所以訓醒都無移位。

今朝換個陣直接洗埋,可能因為第一日流量唔多,其實我都係落左洗衣液浸,浸一陣輕輕一擦已經會見到衛生巾上既血好多洗哂出黎,表面睇已經無污漬,之後再換水,搓洗多幾次,都已經無哂異味同污漬喇。因為要勤常更換,啲污漬放得耐亦難啲洗,變相要成日洗,呢方面係絕對比即棄既麻煩。

跟住今日出街,就用防水袋裝左4塊乾淨既出去,大概3個鐘我就會換一次,最後返到屋企之前其實只係換左2塊,姐係用左3塊。感覺可以再換得密啲,因為第2日既量都有啲多,所以側翼都會有啲血滲出黎,回滲都係會有既,但係程度都同啲即棄m巾一樣,其實好okay。換既時候都係同以前一樣,拎個新既著,將用過既包好,包都係好簡單好easy,唯一既分別就係一個係dum,一個係袋起。我好認真咁放近鼻聞(付出何其偉大),唔知係咪因為綿既關係,其實唔係好聞到有咩味,所以成個過程感覺都好okay。

暫時我覺得布衛生都真係符合我既期望:環保、舒服、健康。再講返自己係敏感部位特別易敏感啦,所以真係唔鍾意即棄m巾,為左自己健康而揀布衛生巾。但同時,無可避免既就係要洗,同埋每朝你起身,因為都趕住出街,無理由放個用完既係度唔理,所以都要預啲時間洗衛生巾,黎M個人特別攰,所以就令到呢樣野都變成小負擔喇,不過我相信習慣成自然。格硬要挑剔既,就係佢會比零感特薄既厚啲啲。

聽日再分享用特長夜用會唔會移位,同埋一次過洗幾塊,第日乾唔乾到for更換既問題~

布衛生巾有利有弊,對於唔同人黎講觀感都唔同,方便黎講點都係即棄方便,但我自己就會選擇推薦俾大家,由每一次月事最少要丟棄20塊護墊M巾,到宜家可以減為0,我覺得值得。分享一句睇《看見台灣》讀到既旁白:

「我們沒有權利,在這塊土地上放縱無窮的欲望,因為我們只是短暫的停留,我們只是過客。」

延伸閱讀:棄用M巾救地球

讚好喧嘩專頁,看更多最新文章


Tags assigned to this article:
女性衛生用品布衛生巾環保

Related Articles

Top 5 brushes

掃我真係ok多 不過發現最後用黎用去都係

No comments

Write a comment
No Comments Yet! You can be first to comment this post!

Only registered users can comment.