叔願未了

叔願未了

經過呢次,都唔到我唔認;我同啲阿叔係ok有緣既

且說,小女子以前久唔久去開某間茶餐廳食下午茶,唔覺唔覺時光飛逝,食下食下都已經幾年有多。

咁一間茶餐廳就必定會有阿叔(s)既存在。而今次個主角,就係侍應阿叔。

由於茶餐阿叔個樣幾兇狠……所以我好快就認得佢。當然,我精佢都唔笨,佢都好快認得我。

呢幾年,除左落單,其實阿叔同我一句說話都未傾過。 佢最最最大限度都只係心情好時,就會用戚眉戚眼呢一招黎同我打招呼。
不過,我地並未因無言共對而疏淡如水。我仍心/深信阿叔是個溫暖漢子。
因為,有一日,我忽然察覺到,阿叔主動递上黎既,再唔係筷子,而係刀叉。
鐵漢總有柔情,你明唔明?

隨住時日過去,忙到甩轆,我同阿叔已經無辦法再成日過招。不過每次剛好經過茶餐廳既話,我都會例牌啤一啤入面。我諗呢啲叫做習慣。

不過今個平靜午夜打破左呢面僵局。

我同茶餐廳阿叔竟然係麥當奴到邂逅相逢!呀!!!係麥當奴呀!!!!我情何以堪我從未想過原來阿叔與我仲可以有另一片天去作為選擇背景完全出乎意料邪!

佢個形依然係兇狠老定look(我唔會話你知已經凌晨了,佢仲係著住開工衫未換!)。但一路走來,變左個個係我呀!啲econ馬上上晒腦真心唔荒唔If I change and 阿叔 remains unchanged, then it leads to a higher EQUILIBRIUM ar diu!!

而個equilibrium係乜?就係我地有史以黎第一次傾左計
話變就變,我心亂如麻。

我絕對相信,今個午夜只會係一個開始。我已經無法估計下次再去食會發生咩事,又或者會無事既。


Tags assigned to this article:
大叔潮文茶餐廳

Related Articles

羊年我最期待的畫面…(rip版)

羊年,假如可以要咩有咩,不如要冇咩 就冇

網戀的愛情陷阱(上)

「嗱,花花係咪好正先!」 發發唯恐我無法

唔好再逼我做「你到底有多了解我」

我去左個雞尾酒會。有 D 人吹緊 yen

No comments

Write a comment
No Comments Yet! You can be first to comment this post!

Only registered users can comment.