又平又靚,香港精神

又平又靚,香港精神

一直以來,香港其中一個引以為傲既特質,就係賣既野又平又正。工廠年代係咁,電影黃金時代係咁,金融服務世代都係咁,明明貨品服務質素咁好,點解可以平人地咁多?無他既,因為唔少香港人,老老實實,都幾撚中意刻薄自己人。

要產出高質,唔可以好似大陸啲黑心商人咁用平料,咪唯有係人工到落手。你以為Rachel Mok荒謬無比啦,其實佢咪又係代表左一大班老細同上帝顧客既心態,極端啲咁解姐,「正常少少既」就係俾左錢就老奉要你俾最好最多既野佢地,莫小姐呢種呢,就係「影相喳嘛,咁簡單,我叫隔離王師奶幫我揸機都得啦,不過見你地啲影相佬好似就快揸兜咁,我作為熱心市民梗係要出手扶持下」。出下力姐,又唔使你俾錢買咩道具材料,仲有Facebook like同share,哇,夫復可求啊!

又好似好多四出搵演出機會既演員,好多學生郁下以「學生真係窮到撚樣」既名義,邀請演員免費幫佢地拍戲,拍左成日,飯都唔買盒,水又唔送支,仲要(老)點黎點去,講真,成隊crew每人夾廿蚊都唔至於咁樣掛。完左件事,學生一副「我咁慷慨你知足啦」既樣,話「我拍完會擺埋上Facebook,到時你都幫手share下,等多啲人睇到你啲戲啊嘛」,屌,所以話依家啲人俾Facebook洗曬腦,我使唔使貼曬車錢飯錢,黎搏你係Facebook上面post一post,仲要分分鐘遇上爛劇本同唔知自己做緊乜柒既導演。

呢個世界既市係俾兩種人做爛既,一係大學生,二係朋友。我知你地好抵諗,我知你地好有人情味,但係遇上個啲擺到明好撚離譜既要求,你撫心自問,究竟係唔好意思拒絕,定係仲係覺得抵諗啲無乜所謂先?被人侵犯,要即刻話「唔好」,從細寶寶龍都係咁教你嫁,今次我撐攝影師嫁。

羞羞

羞羞

文藝存在我深深的腦海裏。 個人專頁: https://www.facebook.com/88shyshy


Tags assigned to this article:
Rachel Mok又要平又要靚香港精神

Related Articles

贏在起跑線,輸在終點前 (四)

上回:  贏在起跑線,輸在終點前 (三)

從國際通看何謂「國際化」

在沖繩的那霸市,有一條遊客必會去的大街,

[我城是非] 兩城一線

週三上午十一點,我從山下匆匆搭上小巴,大

1 comment

Write a comment

Only registered users can comment.