冷靜少少,人地都係食個包姐

冷靜少少,人地都係食個包姐

每日係地鐵入面食包既人多到數都數唔曬,但會俾人影相放上網既,只係得大陸人同黃之鋒。而且唔係所有大陸人都會俾人影相,只有個啲食到成地餅碎、勸佢唔掂仲要發曬脾氣鬧返你轉頭既先會惹起人注意。所以黃之鋒今次被圍勦,一係衰死蠢(係嫁,你明知自己咁出名都唔小心啲),二係衰在佢叫黃之鋒。

「車廂中不准飲食」既原意,係希望保持車內環境清潔、無異味,食包算係比較清潔,唔會留低一地碎。我絕對唔係話車內食包「無問題」,而係「問題較細」,如果你係目擊者,一係你就冷漠到底唔好理,一係你就即場出聲指正,要做到將呢件小事影相擺上網既人一定係居心叵測。講明啲,咪就係人地猴住黃之鋒好耐,挖唔到貪污受賄呢啲真正既大事,唯有捉住啲小事黎講。

其實有邊個會覺得係車廂入面食包特別正?唔通貪入面有冷氣有得坐仲有電視睇咩。都係個句,香港人生活步伐快到連飯都唔得閒食,唯有上車個時帶埋個包上去食。睇到呢度實有班友話你咁同情人地無時間食野,咁不如開放車廂俾人食野,帶埋成個餐上黎食仲開心添……個啲還個啲,我既意思係如果對車廂衛生影響唔大,同車乘客如果選擇開一眼合一眼都係可以接受既,唔明就算,隨便曲解。

黃之鋒唯一醒既,就係唔理三七廿一,總之快快脆脆沙冧就無死。
(希望唔會有豬一樣的隊友睇完呢篇野,係下面comment話「之鋒都係忙得濟先至搞到要拎埋包上車食」,重點唔係忙唔忙,而係影響有幾大。)

偏差值

偏差值

常常在發掘離經叛道的可能,長期與體內因社教化留下的痕跡搏鬥。


Tags assigned to this article:
港鐵黃之鋒

Related Articles

消滅香港文明

授權轉載自:http://lyflyhi

思旺角衝突

作者: Charles Fung 1)經

從國際通看何謂「國際化」

在沖繩的那霸市,有一條遊客必會去的大街,

No comments

Write a comment
No Comments Yet! You can be first to comment this post!

Only registered users can comment.