保濕產品

保濕產品

Clarins Toning Lotion (Camomile)
呢支係買clarins果陣送既,BA話可以多用途拎去抹面/抹mask 仲講左一堆唔知咩效果不過我無留心聽😹

質地係好流質好似水,好易吸收,有陣香味,搽完唔lup 但做到補濕。最初我係用化妝綿抹,覺得一般正常啦,後來轉左用綿波,點知抹出好多啡黃色野😂對比起clinique果支抹面水,呢支係溫和好多 亦都抹到較多野(我用clinique 好多時候都無野抹得出,但轉左用其他抹面水就抹到野) 。最impressive係有次敏感出粒粒好痕,濕敷完即時好返好多,不過價錢黎講的確係都ok偏貴,所以不回購啦。

Clarins V面精華
呢支係我愛將黎,因為我d肉係好軟,好似綿花果種,自自然然就比較易墮同埋水腫,好老實講V面唔覺得做到,但去水腫的確一流。用完一排之後個面既輪廓都firm返 💕

Indeed Laboraties hydraluron moisture serum
乾皮可以直接skip呢支,係流質好快吸收既補濕精華,吸收完唔會有假滑feel,補濕力ok啦。我混油皮夏天冷氣房用係足夠,但間唔中on top加其他cream會出擦膠碎 😂

Embryolisse lait creme concentre
呢個牌子可能係香港未必太多人知,係英國牌黎,聽講好多外國名星都會用(?) 呢支我會當cream咁用,但做妝前打底都ok的,質地好輕身但潤。夏天對我黎講heavy左d,秋冬應該一流。
20161028_01
Estee Lauder Advanced Night Repair Eye Serum
好流質但好補濕 仲改善左眼底既肌底 我好鍾意佢 有支貨未捨得開住😂

Bareminerals 5 in 1 bb cream eyeshadow
當eye primer用 有調色功能,搽完就睇唔到眼皮既黑色素,無UD original咁乾,但「眼影出色」既功能係ud明顯咁贏左,所以呢支我多數係唔化眼影果陣拎去搽眼皮 tune返好d色

Laura Mercier Foundation Primer – Hydrating
用左一支終於用晒😂係有補濕力,亦都幫助你之後個妝痴得更實。但冬天既話補濕力就不太夠,因為上年冬天我搽左好多美白野搞到肌底好乾。但我搽左勁多lm primer都仲係唔太貼妝😹 但overall黎講都ok既,唔會回購因為想試下其他補濕primer

Schaebens Mask – Totes Meer Maske (藍色,deep clean)
開張買野果陣 @eubeautylife 送既小禮物,呢包deep clean泥黎,敷上面feel到有少少吉吉地 感覺似kielhs白泥,但清潔力真係一流 一流 係一流 比kielhs更好 ,洗走左個mask之後基本上會feel到毛孔d污糟野吸走晒 啊~毛孔在呼吸,但小心唔好買錯 佢有另一隻泥又係deep clean差唔多樣,但果隻無咁好用,記得係買我呢款,不過一包20g 一次用唔晒 儲存唔太方便😲

Schaebens Mask – Peeling 
士多啤梨味既peeling mask 有少少粒粒,好香甜既味,peeling效果係有 不過好mild。岩d皮薄/乾皮用黎peel,由於佢太mild 不是我的菜😂

 

文章轉載自作者Instagram: Toxic_girl_review

閨中毒女

閨中毒女

二十歲女生,混合偏油肌,外出和上學甚少化妝卻有買和收藏化妝品的怪癖。夢想能夠成為一隻鬆弛熊,每天懶懶閒。


Related Articles

貴價但一罐到底の底妝篇

話說小女子很早以前頓悟一個道理:「貴精不

布衛生巾試用手記 (1)

到左試用布衛生巾既日子喇! 尋晚訓前換左