仲鬧!? LG手機絕對完勝Samsung (壹)

仲鬧!? LG手機絕對完勝Samsung (壹)

早排於Blablabla喧嘩睇到兩篇文章《我同我部LG P705分手了》《我的LG至撚智能手機…》,作者鬧爆LG手機,我發現市場上仍有太多人對LG誤解幾深,作為fans及現時用家,想給個方向讀者想清楚當今兩大韓國手機品牌LG及Samsung的形勢優劣。

2012年前LG手機都是以Optimus旗號行頭,像三叔的Galaxy。2012尾第一部Optimus G面世,規格驚人遠遠超越早半年推出的Galaxy S3,又得到Optimus G兄弟機同廠替Google代工的Nexus 4高性價比好評加持,LG終於突破發展出自己的旗艦G系列。

Gseries

(Optimus G規格: Qualcomm® Snapdragon S4 Pro 1.5GHz 四核心處理器,2GB RAM,1300萬像素鏡頭,4G LTE) 往後LG便開始主力發展L系列及G系列,L系列走入門/中價路線;G系列主要走旗艦路線,跟其他品牌一樣每尺吋型號(G, G Pro, G Flex…)每年一代(13年出G2,14年出G3…),亦有少量近似設計小型尺吋mini版本。

我本人用了G2一年多,係我第二部智能電話,到而家都好滿意。一年多前買入水貨,$3200比行貨平好多,其實而家所有電話都用唔長,水貨已經夠玩夠抵用。先講規格(5.2 吋IPS TFT,1300萬像相機,四核心Qualcomm Snapdragon 800 2.2GHz,2 GB RAM,3000mAh內置電,4G LTE)我唔能夠講特別強,但到現時為止都係夠用有餘,雖然用了年幾過後有時lag機我亦覺得是正常表現,因為基本上現時智能產品所有牌子一樣會發生。內置電可能是最大問題,不過好彩有3000mAh電量其實好夠用。最可以拎出黎抽插既係相機對焦慢,不過這個問題跟內置電一樣已經在G3得到解決。

 

螢幕快照-2015-03-22-下午10.57.31-919x420

硬件其實唔同廠商旗艦都大同小異,要比較的應該是軟件和使用體驗。由G2開始所有按鍵全部在機背,用落實在冇想像中難用反而覺得易掌握。機面沒有實體Home鍵,這時LG絕技雙擊開關屏幕(KnockON)就能完美發揮功效,用過呢個功能絕對反唔到轉頭,太方便唔洗用力按實體鍵都可以喚醒屏幕太適合我呢啲懶人。KnockON外,還有創新的KnockCode功能,用家可以自訂不斷次數敲擊螢幕不同位置去解鎖,比圖形解鎖更安全方便。我用G2仲好欣賞佢個QuickMemo,見到有畫面有用就可以用QuickMemo Cap圖加自己既備註同埋係上面畫畫,最正係可以選擇好要既畫面位置先存檔,唔洗再另開圖進行裁剪,不過去到G3這個先裁後cap既功能已消失。仲有一啲功能好貼心,例如係Answer Me,當電話響你拎起部機後個聆聲就會變細聲,探測到你把電話放去耳邊就會自動接聽完全不用滑動或按鍵,還有電話響後反轉部機就可以即刻cut線,對開會同訓緊覺唔想聽電話個時都同樣有用。

knockon

使用體驗好緊要,iphone賣既都係使用體驗,一啲好細唔起眼但貼心既功能可以增加操控既直覺程度唔洗轉幾個彎換幾個apps先做到。LG G系列電話既硬件亦絕對已追得上係頂級,你要買平價入門機款用唔到2年又要鬧實在多餘。G2其實唔係我第一次用LG電話,早係2009年,我已經第一次買LG KC910 Renoir,當時未入Android智能電話年代,呢部機賣$3600係旗艦。09年呢部機賣點係影相(當時500萬像素已經比較強),竟然配備800萬像素德國名廠schneider-kreuznach鏡頭,我覺得而家好多自稱影相點靚既手機都完全比唔上我09年呢部。LG手機係那年代一直受劣評,個個話易壞又唔知點,我就用足3年好爽冇問題,體驗唔到點樣易壞法。觀察到既,係你點樣用手機,你經常跌落地下或者唔珍惜亂扔,真係冇人幫到你。

下一篇,將會分析究竟Samsung有何優劣,這品牌如何走上絕路,被後來追上嘅LG打敗。

Nearjack

Nearjack

Youtube頻道訂閱者超過9,000人,短片共過百萬點擊。三段《藝人出醜大全》剪輯影片獲903面書分享及森美於電台推介。三段《May姐》惡搞片引起熱潮被雜誌報道,自此愛上雞汁May,雞汁調味必不可少。最得意之作《楊怡謝天華探望隱青阿源》大受歡迎,阿源本人得記者推介觀賞後給予正評。


Tags assigned to this article:
G2LGSamsung

Related Articles

搵戲煲劇救星--百度雲

內地打擊盜版出手越來越重,大量以前熱門網

古著店Little DOT──把舊時光穿上街

近年刮起一陣古著風,在眾多走日韓文青風的

No comments

Write a comment
No Comments Yet! You can be first to comment this post!

Only registered users can comment.