【Nj你真識食攻略】新加坡叫雞初體驗

【Nj你真識食攻略】新加坡叫雞初體驗

話說係人都知我去咗新加坡,啲嘢食正到呢,真係返唔到轉頭。基本上,大部分舖頭即管係熟食中心賣嘅都係極品。新加坡嘅飲食店好得意,好多以foodcentre/foodcourt形式經營,聚集幾間至幾十間賣唔同種類嘅小店,可能一兩家賣雞飯,一兩家賣沙嗲,一兩家賣飲品,其實咁幾好,客人有唔同選擇老闆又可以專心做自己擅長嘅食物。雖然整體評價都話新加坡物價好貴,但係其實食嘢係可以好平。

一落機即刻去咗Chinatown牛車水個頭嘅Maxwell Food Centre,最出名是<天天海南雞>,係我第一次喺新加坡叫雞。新加坡嘅雞飯好唔好食其實就係只睇飯香唔香靚唔靚,<天天>飯好好食係真嘅,但雞冇味(我認為係無落may姐雞汁),所以又唔覺有人地講到咁出色。後來發覺原來每一檔嘅雞都係無味嘅所以接受咗,呢幾日就係新加坡唔同地方叫咗好多雞,早餐午餐晚餐都係咁食,真係好正,一個雞飯都係20蚊港紙唔洗。

上圖所見嘅串燒沙嗲,係最後一日忍唔住返去Maxwell買嘅,叫咗10串HKD$40左右同好出名嘅老巴剎一樣價錢,味道都差唔多。杯蔗汁就抵囉…SGD$1.5,差唔多8蚊港紙一大杯,真係好鍾意喺新加坡瘋狂買唔同飲品同甜品….超正。

 

右邊係某日朝早臨過聖淘沙係vivocity附近嘅food centre叫嘅雞飯,同樣20蚊港紙有找。下面就犀利,見呢間<逸群>好出名,又見早幾日沈旭暉先介紹完,學佢影番幅相。名店係唔同啲,貴人哋好多,不過唔覺特別好食…係有個種氣氛,古老嘅氣味,見佢收錢有個算盤就知。

 

有fans係我個fb fan page叫我一定要去老巴剎食串燒,我緊係聽話啦。入到去嘩頂,整到咁商業嘅,乜都有完全唔係上網見到個樣嘢有啲怪,有人拎餐牌嚟sell,就叫咗10串,幾好食嘅,同前一晚係East Coast食嘅差唔多,結論係星加坡周圍嘅沙嗲都咁正~最後行返出去,終於搵得返街頭式賣串燒嘅位置…似乎嗰度食會有風味啲。

20150331_175101

星加坡又點可以唔提肉骨茶,圖中嘅係出名<松發>,好好食,之後去咗一間冇名氣但係朋友帶去嘅本土店食,都可以做得好好。肉骨茶配反碗飯食真係一絕,又落啲黑醬油一齊食真係無敵。肉骨茶外,仲有叻沙一絕,個種椰汁香味我好鍾意,出名嘅<328加東叻沙>啲料比較豐富,其實間間都好食,我竟然覺得LEGOLAND嘅叻沙好好食…因為個款特別有好多沙甸魚。

順帶一提,去到小店買飲品,可以試下Lime同薏米水,都好地道好正。

最後,臨走前,係機場食反塊亞坤KayaToast。你問我好唔好食的話,我會話好食。係唔係正過香港分店?我就食唔出分別… 反而有啲懷念係vivocity附近食過嘅一種印度式Kaya味烤餅,好甜好香,一試難忘。

更多Nj Style: http://fb.com/nearjackjack

讚好喧嘩專頁,看更多最新文章

Nearjack

Nearjack

Youtube頻道訂閱者超過9,000人,短片共過百萬點擊。三段《藝人出醜大全》剪輯影片獲903面書分享及森美於電台推介。三段《May姐》惡搞片引起熱潮被雜誌報道,自此愛上雞汁May,雞汁調味必不可少。最得意之作《楊怡謝天華探望隱青阿源》大受歡迎,阿源本人得記者推介觀賞後給予正評。



Related Articles

他與他的公主

「將來我一定要去台灣,我要去找她。」他說

No comments

Write a comment
No Comments Yet! You can be first to comment this post!

Only registered users can comment.