《脫獨工程》謎之錯重點

《脫獨工程》謎之錯重點

嗱,未睇到最後,但我估啦,呢個節目應該係想帶出「樣衰都有市場」既訊息,因為如果係想證明人都係以貌取人既話,係人都知啦,其實都唔使做咁長既show。

「樣衰都有市場」,係絕撚對岩既,街上撞過好多其貌不揚既人都拖住另一半卿卿我我,甚至身邊換女/仔快過換季既朋友好多時個樣都麻麻地。好多原因既,例如樣貌一般既人對另一半既樣要求都會無咁高,知道自己sell唔到樣咪sell內涵囉,平日無人埋身通常就會主動啲,為左令自己market大啲盡量行啲大眾路線。

講到呢度,你應該都大概估到點解呢個實驗帶唔出呢個message。老老實實,通常真人show 啲受助對象都唔係普通人黎嫁啦,樣都其次,但呢四樣必殺技:要求勁高/無內涵/被動/個性太尖銳,至少衰一樣(嗱唔好話係人都會衰一樣啊,你可以要求唔低但唔至於勁高,唔至於好有內涵但未到好無內涵,唔主動但都有啲反應,唔係樣樣野都大眾口味但都唔係太偏)。尤其當你個人無餡,我咪唯有睇你個皮囊囉係咪?偏偏你仲要樣都唔太得(但公道D講,我覺得個6個人入面有4個個樣問題都不大)。

其實個節目既focus唔係啲嘉賓點揀,係6個主角點react。眼前既獵物,如果個樣好得,係咪同你價值觀幾唔同,個格幾差,你都仲要搖頭擺尾,甚至扭曲自己,千方百計咁討好佢?其實人睇樣真係好正常,畢竟起碼都想搵個同自己差唔多既,望住都唔會太難受,但你自己副尊容咁,叫人地唔好以貌取人令自己唔至於無肉食,點知自己都係外貌協會,我屌你,有無廉恥之心?

有個網絡笑話講得好好,成日有港女語錄話搵男人(假設你係完全擁有主導權啦下)唔好搵有錢/靚仔既,但what if你搵左個又窮又唔靚仔既,仲要發現佢個格仆街?

最後真係想講,有特別幾個人,Robot唔係淨係樣,連表情都自然過真人好多,講野語調又舒服好多,其實比人既印象唔係淨係你面上個幾舊野係咩形狀,仲有你點控制你啲面部肌肉,黎人搵幫佢地執執佢啦。

偏差值

偏差值

常常在發掘離經叛道的可能,長期與體內因社教化留下的痕跡搏鬥。


Related Articles

揀女朋友一定要揀個織幼冷頸巾既

時值深秋,寒風刺骨,班上面既女同學開始織

2013年度台灣在地聆聽推薦

作者: 馬瓜@台灣音樂書寫團隊 看著國外

TVB已經由大台升級變宇宙台

睇無線既《網絡挑機》(利申:無貢獻過收視